S’ Grand Kubaa gaht i di dritti Saison! Frische, allürefreie Boombab-Rap us em Schwiizer Undergrund für dini Ohre und dini Tanzbei! 

Für d’Usgab #6 stönd i de Startlöcher:

- Über de Wicht muess mer wohl nüme viel säge – sit anderthalb Jahrzehnt isch diä ZH-Rap-Legende underwäx. Mit im Gepäck isch de Arkenoa – mir sind gspannt! los ine

-De Mytreya - Zoo Zen isch nur scho altersbedingt nonig gliich lang am Start, aber um so aktiver isch er jetz – sin smoothe Flow ghörsch a Freestyle Battles oder a Open Mics wie am letschte Grand Kubaa oder au a selber organisierte Jams in Seebach. los au ine

- De Gleichfalls us Grünstadt/DE händ i de Schwiiz wohl nonig viel uf em Schirm. Zu Unrecht, wiener eu i sim Set bewiese wird. Straighte Boom-Bap – oder halt normale Rapshit, wie er säge würd: hör ma' rein

- Musikalisch igleitet wird de Abig mit eme Beatset vom khaderbai. De Beatmaker & DJ mit SG-Wurzle d'Seel vom gägewärtige Zürcher Undergrund z'nänne, würd sim bescheidne Naturell vilicht nöd grecht. Aber er staht hinder so vielne fantastische Projekt, wo i de letschte Jahre zum Brodle cho sind – und ebe, macht verdammt geili Beats: da au inelose

KuBaA, KulturBahnhof Affoltern, 8046 Zürich
Bachmannweg 16, im alten Bahnhof Zürich-Affoltern
(S6, Bus 37/61/62 bis Bahnhof Zürich Affoltern)
www.kubaa.ch