Yeehaa! S’Grand Kubaa stürmt i sin 3. Jahrgang. Rap-Konzert mit ere gediegene Portion Funk, Soul, Jazz und Oldschool-Flavour direkt für dini Ohre! Das alles im überuus charmante KuBaA - Kultur Bahnhof Affoltern, Zürich!

- D'Bungle Brothers sind wie ihri dschunglige Quasi-Namensvetter mit ere mächtige Portion Boogie, Bass und Brain usgstattet: Musig vo de Bungle Brothers 
D'St.Galler glänzed nöd nur mit Wortwitz, sondern au mit Consciousness inklusive gstrecktem Mittelfinger gäge d'Doppelmoral i de Wohlstandschäfig um eus ume: Musigvideo

- De gnau so sympathischi wie talentierti Glarner T-31 - HiH hät d'GK-Bühne mit sine Muchachos vo Heavyweight–HiH records scho mal zum Glühe bracht. Jetz aber hät er siini Solo-Schiibe Ungeziifr tauft, reist demit dur d'Schwiiz und isch hungrig, sie au eu vorzstelle: T31 Musikvideo
Schiins mer saiz wird er de Funkjoker jokesson - HiH und de ol'dirty DJ O'Lee - HiH mit im Gepäck ha.

- Schall & Rauch ghört sit Tag-1 zum GK-Inventar. Das Mal wieder ohni Live-Band – aber uf jede Fall mit glöste Leine, gueter Luune und funky Flows: Schall und Rauch, Leine los!

– Musikalisch iigleitet wird de Abig vom Mägerli Muck – de This-This-Thiso isch nöd nume eine vo de drü Rapper vo Schall & Rauch, sondern au de Beat-Bauer-Nr. 1. Ab de 9e laht er im Foyer i siini Werchstatt inelose – das wottsch nöd verpasse!

KuBaA, KulturBahnhof Affoltern, 8046 Zürich
Bachmannweg 16, im alten Bahnhof Zürich-Affoltern
(S6, Bus 37/61/62 bis Bahnhof Zürich Affoltern)
www.kubaa.ch